"ఆవకాయ బిర్యాని"

"ఆనంద్", "గోదావరి", "హ్యాప్పీడేస్" చిత్రాల దర్శక, నిర్మాత శేఖర్ కమ్ముల తన తాజా ప్రాజెక్టు "ఆవకాయ బిర్యానీ" ని ప్రారంభించాడు. "ఆవకాయ బిర్యానీ" పేరుతో నిర్మించే ఈ చిత్రానికి శేఖర్ కమ్ముల నిర్మాతగా మాత్రమే ఉంటూ, దర్శకత్వ బాధ్యతలను అనీష్ కురువిల్లాకు అప్పగించాడు.అనీష్ శేఖర్ తొలి చిత్రం "ఆనంద్" లో రాజాకు ఫ్రెండ్ పాత్రలో నటించాడు. అనీష్ చెప్పిన కథ బాగా నచ్చడంతో అమిగోస్ క్రియేషన్స్ బ్యానర్ పై శేఖర్ ఈ చిత్రాన్ని నిర్మిస్తున్నారు. కొత్త నటీనటులు బిందు, కమల్ లు ఇందులో నటిస్తున్నారు.

ఇండియానా జోన్స్-4 ఎక్స్ క్లూజివ్ ట్రైలర్

బాలకృష్ణ "పాండురంగడు" వివరాలు ఉగాదికి...

వరుస అపజయాలను ఎదుర్కొన్న నందమూరి బాలకృష్ణ భక్తిరస చిత్రం "పాండురంగడు" తో తన అదృష్టాన్ని పరీక్షించుకోనున్నాడు. భక్తిరసాల చిత్రీకరణలో అందెవేసిన దర్శకేంద్రుడు కె. రాఘవేంద్రరావు దర్శకత్వంలో "పాండురంగడు" చిత్రం రూపొందుతున్న విషయం తెలిసిందే. దీని పూర్తి వివరాలను ఉగాది శుభదినాన తెలియజేయాలని దర్శకేంద్రులు భావిస్తున్నట్లు తెలిసింది. ఈ చిత్రంలో బాలకృష్ణ "భక్త పుండరీకుని"గా, "శ్రీకృష్ణుని"గా ద్విపాత్రాభినయంతో ప్రేక్షకులను అలరించనున్నాడు. స్నేహ, టబు కథానాయికలుగా నటిస్తున్న ఈ చిత్రంలో టబు వేశ్యగా నటించడం విశేషం. అంతేకాకుండా ఈ చిత్రానికి భారవి, వేటూరి, సుద్దాల అశోక్ తేజ, వేదవ్యాస్ కలాల నుంచి జాలువారే పాటలు ఈ చిత్రానికి మరింత బలాన్ని చేకూర్చనున్నాయి.గతంలో వైవిధ్య పాత్రలలో వచ్చిన "ఆదిత్య 369", "భైరవ ద్వీపం", "శ్రీకృష్ణార్జున విజయం" సూపర్ హిట్ అయ్యాయి. ప్రస్తుతం విభిన్న తరహాలో రాబోతున్న "పాండురంగడు" చిత్రం కూడా బాలయ్య నటనాచాతుర్యంతో సెన్సేషనల్ హిట్ సాధిస్తుందని ఆశిద్దాం.

బాలీవుడ్ క్రేజీ భామిని "మల్లికా శెరావత్" ఎక్స్ క్లూజివ్ వాల్ పేపర్స్

(Courtesy: mallikasherawatwow.com)

పాక్‌లో విడుదలవనున్న "తారే జమీన్ పర్"

నటుడు అమీర్ ఖాన్ దర్శకత్వంలో రూపొందిన ప్రతిష్టాత్మక చిత్రం "తారే జమీన్ పర్" చిత్రం పాకిస్థాన్‌లో విడుదల కానునంది. ఈ చిత్రంతో పాటు, "రేస్" సినిమాను ఈనెల 28వ తేదీన విడుదల చేసేందుకు యూటీవీ సంస్థ సన్నాహాలు పూర్తి చేసింది. "తారే జమీన్ పర్" చిత్రానికి పాకిస్థాన్ సెన్సార్ బోర్డు యూనివర్సల్ సర్టిఫికేట్ (యు)ను జారీ చేసింది. "తారే జమీన్ పర్" చిత్రానికి ఎక్కడా సెన్సార్ కత్తెర వేయకుండా పాకిస్తాన్ సెన్సార్ అనుమతిని ఇచ్చింది. అలాగే "రేస్" చిత్రంలో అక్కడకడ్కడా సెన్సార్ కట్ చేసి యూ/ఏ సర్టిఫికేట్‌తో విడుదల చేసేందుకు పాక్ బోర్డు అనుమతి ఇచ్చింది. ప్రపంచ వ్యాప్తంగా పంపిణీ హక్కులను కలిగిన యూటీవీ సంస్థ పాకిస్థాన్‌లోని ఐదు ముఖ్య నగరాల్లో విడుదల చేయనుంది. ఒక్కో నగరంలో ఐదు సినిమా థియేటర్లలో ఈ చిత్రాలు విడుదల చేస్తున్నారు. యూటీవీ గతంలో "గోల్" చిత్రాన్ని విడుదల చేసింది.

క్రేజీ హీరోయిన్ అమ్రితా రావ్ లేటెస్ట్ స్టిల్స్