భారతీయ చిత్రంగా నిర్మించబడిన స్లమ్‌డాగ్ మిలియనీర్ లెక్కలేనన్ని రికార్డులను సొంతం చేసుకుంటోంది. ఇప్పిటికే ఆస్కార్ నామినేషన్‌ను సాధించుకున్న ఈ చిత్రం ఆదివారం మరో ఘనతను సొంతం చేసుకుంది.బ్రిటన్ ప్రభుత్వం ఇచ్చే బ్రిటీష్ అకాడెమీ ఆఫ్ అండ్ టెలివిజన్ ఆర్ట్స్ (బీఏఎఫ్‌టీసీ) అవార్డు ఈ ఏడాది స్లమ్‌డాగ్ మిలీనియర్ సొంతమైంది. బాఫ్టా అని పిలవబడే ఈ అవార్డులు మొత్తం ఏడింటిని స్లమ్‌డాగ్ మిలియనీర్ దక్కించుకోవడం విశేషం.
ఇందులో భాగంగా ఉత్తమ చిత్రం, ఉత్తమ దర్శకుడు, ఉత్తమ సంగీతం, ఉత్తమ శబ్ధ గ్రాహకుడు, ఉత్తమ ఎడిటర్, ఉత్తమ స్క్రీన్‌ప్లే, ఉత్తమ ఛాయాగ్రాహుకుడిలాంటి అవార్డులను స్లమ్‌డాగ్ సొంతం చేసుకుంది.
భారత్ గర్వించదగ్గ సంగీత దర్శకుడు ఏఆర్. రెహ్మాన్ సంగీతాన్ని అందించిన ఈ చిత్రానికి డానీ బోయల్ దర్శకత్వం వహించిన సంగతి తెలిసిందే. ఈ చిత్రం ఇప్పటికే పలు అవార్డులను సొంతం చేసుకున్న సంగతి కూడా తెలిసిందే.
No comments:
Post a Comment