ఎన్టీఆర్ కొత్త సినిమా

యంగ్‌టైగర్ జూనియర్ ఎన్టీఆర్ కథానాయకుడిగా సెన్సేషనల్ డైరెక్టర్ వి.వి.వినాయక్ దర్శకత్వంలో కొడాలి శ్రీవెంకటేశ్వరరావు (నాని) సమర్పణలో వైష్ణవి ఆర్ట్స్ పతాకంపై రూపొంతున్న భారీ చిత్రం రెగ్యూలర్ షూటింగ్ ఈ నెల 24న ప్రారంభం కానుంది. వల్లభనేని వంశీమోహన్ ఈ చిత్ర నిర్మాత.అక్టోబరు 24 నుంచి నవంబరు 12 వరకు ఈ సినిమా తొలి షెడ్యూల్ జరుగుతుంది.

ఈ షెడ్యూల్‌లో సినిమాలోని చైల్డ్ ఎపిసోడ్ తీస్తామని నిర్మాత తెలిపారు. 29 నుంచి వచ్చే నెల 4 వరకు ఎన్టీఆర్ ఇంట్రడక్షన్ ఫైట్‌ను భారీ ఎత్తున తెరకెక్కిస్తామని చెప్పారు. అనంతరం నవంబరు 12 వరకు రామోజీ ఫిల్మ్ సిటీలో నిర్మిస్తున్న భారీ సెట్‌లో ఒక పాటను చిత్రీకరిస్తామని వెల్లడించారు.ఎన్టీఆర్ సరసన ఇలియానా ఒక కథానాయికగా నటిస్తోంది. మరో కథానాయికను ఎంపిక చేయాల్సివుంది.

తన అభిమానుల అంచనాలను అందుకునే రీతిలో ఈ సినిమా ఉంటుందని హీరో ఎన్టీఆర్ నమ్మకం వ్యక్తం చేశారు. తన కెరీర్‌లో మరో సెన్సేషనల్ మూవీ అవుతుందన్నారు. ఆడియన్స్, ఫాన్స్ ఎక్స్‌పెక్ట్ చేస్తున్నట్లుగా చాలా హైలెవెల్‌లో ఈ సినిమా ఉంటుందని దర్శకుడు తెలిపారు.ఎన్టీఆర్- వినాయక్ కాంబినేషన్‌లో గతంలో "ఆది", "సాంబ" చిత్రాలు వచ్చాయి. ఈ సినిమా కూడా ఘన విజయం సాధిస్తుందని వినాయక్ ఆశాభావం వ్యక్తం చేశారు. ఈ సినిమాకు కథ- మాటలు: కోన వెంకట్, సంగీతం: దేవీశ్రీప్రసాద్, ఫొటోగ్రఫీ: ఛోటా కె.నాయుడు, ఫైట్స్: స్టన్ శివ, ఆర్ట్: ఆనంద్‌సాయి, ఎడిటింగ్: గౌతంరాజు, కో-ఆర్డినేటర్: తోట రామకృష్ణ, కో- డైరెక్టర్: పుల్లారావు కొప్పినీడి, ప్రొడక్షన్ కంట్రోలర్: జి.వి.కె.రాజు.