అమెరికాలో నిర్వహించనున్న "చేంజ్ అండ్ హోప్ విత్ చిరంజీవి"

అమెరికాలోని "ప్రో తెలుగు ఆర్గనైజేషన్" (పిటివో) " చేంజ్ అండ్ హోప్ విత్ చిరంజీవి" అనే కార్యక్రమాన్ని మార్చి ఒకటో తేదీన సీటెల్, లాస్ వెగాస్, మిన్నె పోలిస్ నగరాల్లో నిర్వహించబోతోంది. పోర్ట్ ల్యాండ్ లో రెండో తేదీన సమావేశం జరుగుతుంది.
ఈ సంస్ధ ఇటీవల డల్లస్, హోస్టన్, వాషింగ్టన్, న్యూజెర్సీ, బే ఏరియా, లాస్ ఎంజెలిస్, చికాగో, డెట్రాయిట్, అట్లాంటా, ఆర్లాండో, శాన్ డీగో, సెంట్ లూయిస్, బోస్టన్, కొలంబస్, ఫీనిక్స్, రలేగ్ ప్రాంతాల్లో నిర్వహించి ఇటువంటి కార్యక్రమాలకు మంచి స్పందన వచ్చిందని ప్రో తెలుగు ఆర్గనైజేషన్ ఒక ప్రకటనలో తెలియజేసింది. మార్చి 1, 2 తేదీల్లో అమెరికాలోని వివిధ ప్రాంతాల్లో జరుగనున్న కార్యక్రమ్మాల్లో పాల్గొని చిరంజీవి రాజకీయాల్లోకి రావలసిన ఆవశ్యకత, పార్టీ విధానాలు తదితర అంశాలపై చర్చించడానికి రావలసిందిగా అమెరికాలో ని చిరంజీవి అభిమానులను ఈ సంస్ధ ఆహ్వానించింది. మరిన్ని వివరాలకు ఈ సైట్స్ ను సందర్శించవలసిందిగా ఈ సంస్ధ వ్యవస్ధాపకుడు రామ్ తాతినేని తెలిపారు.