రజనికాంత్ 'సుల్తాన్' లో 'చెన్నై-28' విజయలక్ష్మి

ప్రేమ లేఖ చిత్ర దర్శకుడు అగస్త్యన్ గుర్తుండే ఉంటాడు. ఆయన కుమార్తె విజయలక్ష్మి తమిళ్ లో హీరోయిన్ గా ఇటీవలే రెండు సినిమాలు నటించింది. అలా నటించిందో లేదో అమెకు మంచి అవకాశం వచ్చింది. అదే సూపర్ స్టార్ రజినికాంత్ తో నటించటం. రజని కుమార్తె సౌందర్య భారి స్థాయిలో రూపొందిస్తున్న సుల్తాన్ ది వారియార్ యానిమేషన్ చిత్రంలో విజయలక్ష్మి హీరోయిన్ గా నటించింది. అది రజినికి జోడీగా. సుల్తాన్ 18 భాషల్లో భారిస్థాయిలో రూపొందుతున్న సంగతి తెలిసిందే. ఇటీవలే హైదరాబాద్ లో జరిగిన సుల్తాన్ చిత్రీకరణలొ పాల్గొన్న విజయలక్ష్మి చెన్నై రాగానే తన అదృష్టానికి మురిసిపోతుంది. రజని సార్ తో నటించటం ఇప్పటికి కలగానే ఉందని, ఇంకా మర్చిపోలేక పోతున్నానని విజయలక్ష్మి సంతొషంగా చెప్పింది. ఇప్పటి వరకు తను నటించాల్సిన నాలుగు రోజుల చిత్రీకరణ ముగుసిందని ఇంకా 20 రోజులు పాల్గొనాల్సి ఉంటుందని తెలిపింది. చిత్రీకరణలో రజిని సార్ తనను ఎంతగానో ప్రోత్సహించారని, ఇంకా 20 రోజులు ఆయనతో నటించబోతున్నాననే ఆలోచనే తనకు ఆనందాన్ని ఇస్తుందని పేర్కొంది.