బాలీవుడ్ లో షారూక్ ఖాన్ పట్టిందల్లా బంగారం అవుతోంది. "చక్ దే","ఓం శాంతి ఓం" సినిమాలు వరుసగా ఘనవిజయాలు సాధించాయి. ఇందులో "ఓం శాంతి ఓం" సినిమా స్వయంగా నిర్మించింది కావడం గమనించదగ్గ విశయం. ఇదిలా ఉంటే షారూక్ ఇంట మరో ఆసక్తికర అంశం చోటు చేసుకుంది. షారూక్ ఖాన్ భార్య గౌరీ ఇన్నాళ్లు ఇల్లాలుగా మాత్రమే ఉండేది. అయితే అందం విషయంలో ఆమె హీరోయిన్లకేమాత్రం తీసిపోదు. ఇద్దరు పిల్లల తల్లి అయినా కూడా గౌరీ యువ హీరోయిన్ లా మెరిసిపోతోంది. అందుకేనేమో ఇంట్లోనుంచి బయటకు రావడానికి గౌరీ సిద్ధపడింది. "వోగ్" పత్రిక జనవరి ఎడిషన్ ముఖచిత్రంగా గౌరీ కనిపించబోతోంది. ఇది తన ప్రొఫేషన్ కానప్పటికీ చాలా కొత్తగా, వింతగా ఉందని చెబుతోంది. "వోగ్" ఇండియా ఎడిటర్ ప్రియా తమన్నా, గౌరీ ఖాన్ ను ఎందుకు ఎంచుకుందో కానీ గౌరీ మాత్రం అదిరిపోయిందని అంటోంది. రేపోమాపో మార్కెట్ లోకి రానున్న ఈ పత్రిక 2008వ సంవత్సరానికి ప్రత్యేకంగానే రూపుదిద్దుకుందని చెప్పవచ్చు.
No comments:
Post a Comment