హమ్మయ్య యంగ్ ఎన్ టీ ఆర్ విషయంలో ఓ అడుగు ముందుకు పడ్డట్లే అనిపిస్తోంది. ముందే బిడియస్తుడు, సిగ్గరి అయిన ఎన్ టి ఆర్ కూడా లవ్ లో పడగలడని "కంత్రీ" యూనిట్ ఒకటే సంబరపడిపోతున్నట్లు టాలీవుడ్ కోడై కూస్తోంది. ఇది సినిమాలో కాదు, నిజంగానే అంటూ నిజంగానే ఆ యూనిట్ తో సహా తెలుగు సినీ పరిశ్రమకూడా కాస్తంత ఆశ్చర్యానికి గురౌతూనే ఉన్నట్లు సమాచారం. అసలు విషయం ఏమిటంటే, జూనియర్ ఎన్టీఆర్ హీరోగా రూపొందుతున్న తాజా చిత్రం "కంత్రీ". ఈ సినిమాలో దేశముదురు (ఇది సినిమా పేరు కాదు లెండి, హాన్సికా నిజంగానే దేశముదురని లోగుట్టు)"హన్సికా మొత్వానీ" హీరోయిన్ గా చేస్తోంది. రామోజీ ఫిల్మ్ సిటీలో ఈ సినిమాకు సంబంధించిన పాటొకటి చిత్రీకరిస్తున్నారు. ఇదంతా మామూలే, కానీ ఎన్టీఆర్, హన్సికాల మధ్య "సమ్ థింగ్..సమ్ థింగ్" ప్రారంభమైందని రూమర్లు వినిపిస్తున్నాయి. జూనియర్ ఎన్టీఆర్ కే హాన్సికాపై రోజురోజుకు ఇష్టం పెరుగుతోందట.దాంతో ఎప్పుడు చూసినా ఒకటే ముచ్చట్లు, ఇకైకలు, పకపకలు. దీనితో సరిపుచ్చుకోకుండా పర్సనల్ కంప్యూటర్లలో కూడా వీరి "సంథింగ్...సంథింగ్" చోటు చేసుకోవడంతో, ఇద్దరూ వారి వారి పర్సనల్ కంప్యూటర్లతో సహా షూటింగ్ కు హాజరై ఎంజాయ్ చేస్తున్నారని, ఎప్పుడూ ఆడవారికి ఆమడ దూరంలో ఉండే యంగ్ ఎన్ టీ ఆర్ ఏకంగా హాన్సికతో నిర్వహిస్తున్న ఛాటింగ్ లు ముదిరి డేటింగ్ లకు రావు కదా అని యూనిట్ ఒకటే ఇదై పోతోందని తాజా సమాచారం. ఈ విషయాన్ని తమ మిత్రులకు కూడా చెబుతున్న ఎన్టీఆర్, చూడబోతే త్వరలోనే ఓ ఇంటి వాడయ్యే సూచనలు పక్కాగా కనిపిస్తున్నాయి. మరి మనమూ బెస్ట్ ఆఫ్ లక్ చెబుదామా...!!!?
No comments:
Post a Comment