"గజిని" షూటింగ్ లో అమీర్ ఖాన్ కు బలమైన గాయాలు

బాలీవుడ్ నటుడు అమీర్ ఖాన్ "గజిని" హిందీ సినిమా షూటింగులో ఉండగా మల్లీ గాయపడ్డాడు. అతని ఎడమ కాలికి బలమైన గాయమైనట్లు సమాచారం. "గజిని" హిందీ సినిమా షూటింగ్ ప్రస్తుతం హైదరాబాదులో జరుగుతోంది. విలన్ ను చేజ్ చేసే సీనులో నటిస్తుండగా అమీర్ ఖాన్ పడిపోవడంతో ఆయనకు బలమైన గాయం తగిలింది. దీంతో అతన్ని ఆస్పత్రికి తరలించారు. విషయం తెలిసిన ఆయన భార్య కిరణ్ హుటాహుటిన హైదరాబాద్ చేరుకున్నారు. గతంలో కూడా అమీర్ ఖాన్ ప్రమాదవశాత్తు "గజిని" షూటింగులో గాయపడ్డాడు. అప్పుడు వెంటనే అతను ముంబయి వెళ్లిపోయాడు. కొద్ది కాలం విశ్రాంతి తీసుకుని తిరిగి హైదరాబాదు వచ్చాడు. తిరిగి "గజిని" షూటింగ్ ప్రారంభమైంది. అయితే మరోసారి అదే పద్ధతిలో ప్రమాదం జరగడంతో అమీర్ ఖాన్ గాయపడ్డాడు. ఈసారి తగిలిన గాయం మునుపటి కన్నా ఎక్కువగా ఉందని, కనీసం మూడు వారాలు విశ్రాంతి అవసరమని డాక్టర్లు తెలిపినట్లు సమాచారం.