"పులి"లో "పోలీసు"గా పవన్ కళ్యాణ్

పవర్ స్టార్ పవన్ కళ్యాణ్ అభిమానులకు శుభవార్త. అతి త్వరలో పవన్ ప్పవర్ ఫుల్ పోలీస్ ఆఫీసర్ గా ప్రేక్షకుల ముందుకు రానున్నాడు. ప్రస్తుతం నటిస్తున్న "పులి" చిత్రంలోనే పవన్ పోసీసు అధికారిగా నటిస్తున్నట్లు ఫిలిం నగర్ సమాచారం. "జల్సా" చిత్రం మంచి విజయాన్ని సాధించినప్పటికీ ఆ చిత్రంలో నక్సలైట్ పాత్ర పవన్ అభిమానులను పెద్దగా ఆకట్టుకోలేదనే చెప్పాలి. ఆ చిత్రం నుంచి కొన్ని పాఠాలు నేర్చుకున్న తర్వాత పవన్ కళ్యాణ్ తన తర్వాతి చిత్రం "పులి"లో ద్విపాత్రాభినయంతో పాటు ఓ పోలీసు అధికారిగా పవర్‌ఫుల్ పాత్రను పోషిస్తున్నాడనే వార్త ఫిలిం నగర్ లో వినిపిస్తోంది.ప్రేక్షకులు, తన అభిమానులు ఇష్టపడే రీతిలో ఆ పాత్రను రూపొందించడం కోసం పవన్‌కళ్యాణ్ ఎక్కువగా కష్టపడుతున్నాడని తెలిసింది. అంతేకాదు ఆ పంథాలోనే ఆ పాత్రకు కావలసిన అలవాట్లు, కదలికలపై పూర్తి స్థాయిలో స్టడీ చేస్తున్నట్లు విశ్వసనీయ సమాచారం. ఇందులో భాగంగా జిమ్‌కు కూడా వెళ్లనున్నట్లు తెలిసింది. అభిమానుల అంచనాలకు తగ్గట్లుగా తన పాత్ర ప్రభావం చూపాలనే ధృడసంకల్పంతో పవన్ ఉన్నట్లు సినిమా వర్గాలు తెలిపాయి.