ముస్తాబవుతున్న రవితేజ "బలాదూర్"

రవితేజ నటిస్తున్న కొత్త చిత్రం పేరు "బలాదూర్" గా ఖరారు చేశారు. మొదటినుంచీ డిఫరెంట్ టైటిల్స్ ఉన్న చిత్రాలలో నటించే రవితేజకిది మరో కొత్త టైటిల్. గతంలో "ఇడియట్", "ఖతర్నాక్","వీడే "అంటూ అల్లరి చిల్లరిగా ఉండే టైటిల్ చిత్రాలలో నటించిన రవితేజ కమర్షియల్ గా విజయాన్ని అందుకున్నాడు.ఇప్పుడు సురేష్ ప్రొడక్షన్స్ బానర్‌పై డి. సురేష్‌బాబు నిర్మిస్తున్న కొత్త సినిమాకు ఈ టైటిల్ పెట్టే అవకాశాలు ఎక్కువగా కనిపిస్తున్నాయి. "కలిసుందాం రా" ఫేమ్ ఉదయశంకర్ దర్శకత్వం వహిస్తున్న ఈ చిత్రంలో అనుష్క హీరోయిన్. "విక్రమార్కుడు" తర్వాత రవితేజ, అనుష్క జంటగా నటిస్తున్న సినిమా కావటంతో ట్రేడ్ లో ఇంట్రస్టుగా ఉంది. అంతేగాక సీనియర్ నటుడు కృష్ణ ఒక కీలక పాత్రలో నటిస్తూండటం మరో విశేషం. ఈ సినిమాకు కె.ఎం రాధాకృష్ణన్ సంగీతం సమకూరుస్తుండగా, మణిశర్మ రీ రికార్డింగ్ అందించనున్నాడు. ప్రస్తుతం ఈ చిత్రం నిర్మాణాంతర కార్యక్రమాలు జరుపుకుంటోంది.