నక్కను తొక్కిన గడ్డం చక్రవర్తి (జె డి చక్రవర్తి)

నిజంగానే జె డి చక్రవర్తి నక్కను తొక్కినట్లుంది. రజినీకాంత్ ప్రతిష్టాత్మక చిత్రం "రోబోట్" లో జె డి కి అవకాశం రావడంతో టాలీవుడ్ లో అందరూ ఇదే విశయం మాట్లాడుకుంటున్నారు. గడ్డం చక్రవర్తి పిలవబడే జెడికి ఎక్కడ లేని అదృష్టం పట్టిందని అంతా అనుకుంటున్నారు. తాను హీరోగా నటిస్తున్న "రోబోట్" సినిమాలో విలన్ పాత్రకి జె.డి. చక్రవర్తిని రజనీకాంత్ సిఫార్సు చేశాడు. చాలా కాలంగా అవకాశాలు లేక బాధపడుతున్న జెడికి మంచి రోజులు వచ్చినట్లే భావించాలి. "శివ" సినిమాతో సినీరంగంలో ప్రవేశించి జెడి "సత్య" సినిమాతో బాలీవుడ్ లోనూ తన ప్రత్యేకతను చాటుకున్నాడు. అయితే నటనకన్నా, దర్శకత్వం పట్ల అతను ఎక్కువగా దృష్టి పెట్టడంతో క్రమంగా కనుమరుగవుతూ వచ్చాడు. ఇన్నాళ్ళకు శంకర్ దర్శకత్వం వహిస్తున్న "రోబోట్"లో మెయిన్ విలన్ పాత్ర జెడికి దక్కడంతో జె డి తెగ సంతోశపడుతున్నట్లు సమాచారం. "శివాజీ" సినిమాలో విలన్ గా నటించిన సుమన్ తనదైన మానరిజమ్స్ తో ఆకట్టుకున్నాడు. అప్పటి నుంచి అతను బిజీ అయ్యాడు. అందువల్ల "రోబోట్" తర్వాత తన జాతకం మారిపోతుందని జెడి ఆశపడుతున్నాడని అంటున్నారు. తాజాగా జగపతిబాబు హీరోగా జెడి "హోమం" సినిమాను తెరకెక్కిస్తున్నాడు. ఇందులో విలన్ పాత్రను కూడా పోషిస్తున్నాడు. తాజాగా "సర్వమ్" అనే తమిళ సినిమాలో ప్రధాన పాత్ర పోషించడానికి అంగీకరించాడు. ఇక జెడి బిజీ అయిపోయినట్లే భావించొచ్చా.