తెర కెక్కనున్న టెన్నిస్ స్టార్ సానియా మీర్జా?

ప్రముఖ టెన్నిస్ క్రీడాకారిని సానియా మీర్జా జీవితం తెరకెక్కనుందని బాలీవుడ్ భోగట్టా.సానియా మీర్జా జీవితంలోని పలు ముఖ్య సంఘటనల ఆధారంగా, కొంత కాల్పనికతను జోడించి ఈ చిత్రాన్ని నిర్మించాలని దర్శక, నిర్మాతల ఆలోచనగా తెలుస్తోంది. బాలీవుడ్ లో గత కొంత కాలంగా స్పోర్ట్స్ సినిమాల హవా కొనసాగుతోంది . ఇటీవల రియల్ లైఫ్ స్టోరీస్ అంటే ప్రేక్షకులు మరింత ఆసక్తిని కనబరుస్తున్నారు. తాజాగా ఈ రెండు అంశాలు కలసి వచ్చేలా ప్రముఖ టెన్నీస్ తార సానియా మీర్జా రియల్ లైఫ్ ఆధారంగా బాలీవుడ్ చిత్రాన్ని ప్లాన్ చేస్తున్నారని సమాచారం. ఈ చిత్రానికి "ఐ ఫర్ ఇండియా" అనె పేరును రిజిస్టర్ చేసారట. అంబ్లెళ్ళా ఫిలిమ్స్ అథినేత దీపక్ ఆర్ గాంధి ఈ సినిమాను డిస్టిన్ట్ హారిజని ఫిలిమ్స్ (లాస్ యాంజెల్స్) వారితో కలిసి ఈ చిత్రాన్ని నిర్మించడనికి ప్రణాళికలు సిద్దం చేసుకుంటున్నట్లు తాజా సమాచారం. హేమంత్ దాస్ దర్శకత్వంలో నిర్మించనున్న ఈ చిత్ర కథకోసం సానియా మీర్జా స్పోర్ట్స్ జీవితంలోని కొన్ని ముఖ్య ఘట్టాలకు తీసుకుని వాటికి కొంత డ్రామా జోడించి, స్క్రిఫ్టు రెడీ చేస్తున్నారట. ఈ కథ సానియా మీర్జా ఒక్కరిదే కాదు ఎదుగుదల కోరుకునే ప్రతీ ఆటగాడి కథగా దర్శక, నిర్మాతలు చెబుతున్నట్లు బాలీవుడ్ న్యూస్.