"కుచేలుడు" డిస్ట్రిబ్యూషన్ హక్కులు పొందిన పిరమిడ్ సాయిమీరా థియేటర్స్ లిమిటెడ్

రజినీకాంత్ నటించిన "కుచేలుడు" డిస్ట్రిబ్యూషన్ హక్కులు పిరమిడ్ సాయిమీరా థియేటర్స్ లిమిటెడ్ స్వంతం చేసుకుంది. డిస్ట్రిబ్యూషన్ రంగంలో తనదైన శైలిలో దూసుకుపోతున్న పిరమిడ్ సాయిమీరా థియేటర్స్ లిమిటెడ్ ఈ చిత్ర తమిళ, తెలుగు హక్కులు స్వంతం చేసుకుంది. పి. వాసు దర్శకత్వం వహిస్తున్న ఈ సినిమాలో తమిళంలో పశుపతి ప్రధాన పాత్రలో నటిస్తుండగా, తెలుగులో జగపతి బాబు చేస్తున్నారు. నయనతార, మమతా మోహన్‌దాస్ సహా పలువురు ప్రముఖ తారలు ఈ చిత్రంలో నటిస్తున్నారు. రజనీకాంత్ ఈ సినిమాలో తన పాత్ర కనిపించేది 25 శాతమే అయినా చిత్రానికి ప్రాణ ప్రతిష్ట చేసే అత్యంత అరుదైన పాత్రను రజినీ పోషిస్తుండటంతో ఈ చిత్ర హక్కులకు విపరీతమైన డిమాడ్ ఏర్పడింది. దాంతో తెలుగు, తమిళ వెర్షన్ల పంపిణీ హక్కుల కోసం పలు కార్పోరేట్ కంపెనీలు పోటీ పడ్డాయి. వాటిల్లో యాడ్‌లాబ్స్, అయ్యంగారన్ ఫిలిమ్స్ మరి కొన్ని కంపెనీలు ఈ చిత్ర హక్కులకోసం పోటీపడ్డాయి. చివరకు పిరమిడ్ సాయిమీరా థియేటర్స్ లిమిటెడ్ ఈ చిత్ర హక్కులను స్వంతం చేసుకుంది. మార్కెట్లో "కుచేలుడు" సినిమాని చాలా విలువైన ప్రొజెక్టుగా భావించటంతో ఈ రేటు పలికిందని ట్రేడ్ పండితులు భావిస్తున్నారు. అంటే "కుచేలుడు" మరో అరుదయిన రికార్డుని జత చేసుకున్నట్లే.