తెలుగు సినిమా మన్మధునిగా పేర్గాంచిన అక్కినేని నాగార్జున అతి త్వరలో "లవ్ స్టోరీ ఇన్ పార్ట్ 1,2,3...!" అనబోతున్నాడు. ప్రతిభావంతుడైన దర్శకుడిగా పేర్గాంచిన గుణ్ణం గంగరాజు స్వీయ దర్శకత్వంలో నిర్మిస్తున్న "లవ్ స్టోరీ ఇన్ పార్ట్ 1,2,3...!" చిత్రంలో మరోమారు లవర్ బాయ్ గా నాగార్జున ప్రేక్షకులను పలకరించనున్నాడు. గతంలో "లిటిల్ సోల్డ్జర్స్","అమ్మ చెప్పింది" చిత్రాలకు దర్శకత్వం వహించడంతోబాటు జాతీయ అవార్డు సాధించిన "ఐతే" చిత్రానికి మాటలు కూడా అందించిన గుణ్ణం గంగరాజు తన జస్ట్ యెల్లో మీడియా వర్క్స్ ప్రైవేట్ లిమిటెడ్ పతాకంపై ఈ చిత్రాన్ని నిర్మిస్తున్నారు. ప్రస్తుతం నాగార్జున నటిస్తున్న "డాన్" చిత్రం పూర్తయింతర్వాత ఈ చిత్రం ప్రారంభమౌతుందని తెలిసింది.
శ్రీవెంకట్ బులెమోని.
No comments:
Post a Comment