"జై హనుమాన్ రిటర్న్స్" యానిమేషన్ చిత్రానికి మెగా స్టార్ చిరంజీవి డబ్బింగ్ చెబుతున్నారు.గతంలో వచ్చిన "జై హనుమాన్" చిత్రం తొలి భాగానికి కూడా చిరంజీవి డబ్బింగ్ చెప్పిన విషయం తెలిసిందే. కాగా మొదటి భాగానికి కొనసాగింపుగా వస్తున్న ఈ "జై హనుమాన్ రిటర్న్స్" రెండవ భాగానికి కూడా చిరంజీవి డబ్బింగ్ చెబుతున్నట్లు అమెరికానుంచి వార్తలు వస్తున్నాయి. 2-డి యానిమేషన్ ప్రక్రియలో రూపొందించిన ఈ "జై హనుమాన్ రిటర్న్స్" కథ రామాయణం నుంచి తీసుకోకుండా, ప్రస్తుత కాలానికి తగ్గట్లుగా కొత్త కథతో రూపొందించినట్లు తెలిసింది. అంటే మాడ్రన్ కథతో రూపొందించిన కొత్త కథ అన్నమాట. తెలిసిన వివరాల ప్రకారం ఈ కొత్త హనుమాన్ భూలోకానికి శతృవులైన అంతరిక్ష గ్రహ వాసులకు బుద్దిచెప్పనున్నట్లు తెలిసింది. అంటే ఇక ముందు హనుమాన్ రామాయణానికి మాత్రమే సంబంధించిన పాత్ర మాత్రమే కాకుండా, కాల్పనిక పాత్రగా కూడా రూపొందుతుందేమోనని పలువురి అనుమానం.అన్నట్లు ఈ "జై హనుమాన్ రిటర్న్స్" చిత్రం ఈ డిసెంబర్ నెలలోనే విడుదల చేయాలని నిర్మాతలు ప్రయత్నిస్తున్నారు. ఇంకో విషయమేమిటంటే ఈ చిత్రం తెలుగుతోబాటు ఇంగ్లీషు, తమిళం, హిందీ, భోజ్పురి భాషలలో విడుదలకానుంది. 
No comments:
Post a Comment