అక్కినేని నాగార్జున లవ్ స్టోరీ ఆగిపోయిందనే రూమర్లు తెలుగు సినీ పరిశ్రమలో విస్తృతంగా వినిపిస్తున్నాయి. తెలుగు సినీ మన్మధునిగా పేర్గాంచిన అక్కినేని నాగార్జున, ప్రముఖ దర్శక నిర్మాత గుణ్ణం గంగరాజుల కాంబినేషన్లో "లవ్ స్టోరీ...1,2,3,..."చిత్రం రూపొందాల్సి ఉంది. దానికి సంబంధించిన కథాచర్చలు కూడా పూర్తయ్యాయి. వెంటనే ఈ చిత్రానికి "లవ్ స్టోరీ..1,2,3..."గా పేరుపెట్టడంతోబాటు, టైటిల్ ను ఫిలిం ఛాంబర్లో రిజిస్ట్రేషన్ కూడా చేశారు. దాంతో నాగార్జున నటించే తదుపరి చిత్రం ఖచ్చితంగా "లవ్ స్టోరీ...1,2,3,..." అయి వుంటుందని అందరూ చర్చించుకున్నారు. అయితే ఇటీవల ఈ చిత్రం అటకెక్కిందని టాలీవుడ్ లో ఒకటే దుమారం లేచింది. దానికి తగ్గట్లే చిత్ర దర్శకుడు గుణ్ణం గంగరాజు తన తదుపరి చిత్రం, తదుపరి సీరియల్ లపై దృష్టి సారించినట్లుగా తెలిసింది.అధికారికంగా ఎటువంటి ప్రకటన లేకున్నా వీరిద్దరి మధ్యలో చిత్రం ఇప్పట్లో లేనట్లేనని టాలీవుడ్ అభిప్రాయం. సో నాగార్జున "లవ్ స్టోరీ...1,2,3,..." అటకెక్కినట్లేనా...???
No comments:
Post a Comment