డిసెంబర్ 1న విడుదలవనున్న బాపు,"అల్లరి"నరేశ్, ఛార్మీల "సుందరకాండ"

"అల్లరి"నరేశ్, ఛార్మీ జంటగా, బాపు-ముళ్లపూడి కాంబినేషన్‌లో వస్తున్న తాజా చిత్రం "సుందరకాండ" పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. ఈ చిత్రానికి విద్యాసాగర్ సంగీత బాణీలను సమకూర్చగా, వేటూరి సుందరరామ్మూర్తి, జొన్నవిత్తుల సాహిత్యాన్ని అందించారు. పాటలు బాగా వచ్చాయనీ, మెలోడీకి అత్యంత ప్రాధాన్యత ఇచ్చామని చెపుతున్న నిర్మాత చిత్రం ఆడియోను ఈనెల 20వ తేదీన విడుదల చేయనున్నట్టు చెప్పారు. గిరిజన నేపథ్యంలో సాగే ఈ కథలో సంప్రదాయబద్దమైన అంశాలు, విలువలు పుష్కలంగా వున్నాయని, ఇది ఒక చక్కటి కుటుంబకథా చిత్రం అవుతుందన్నారు. అన్ని కార్యక్రమాలు పూర్తి చేసి డిసెంబర్ ఒకటో తేదీన విడుదల చేసేందుకు సన్నాహాలు చేస్తున్నారు.