సంక్రాంతి పోటీలో పవన్ కళ్యాణ్, అల్లు అర్జున్ ల "సవాల్"

తెలుగింట సంక్రాంతి కోడి పందాలకు పెట్టింది పేరు. ఆ కోడి పందాలను మరిపించేలా కొన్ని సందర్భాలలో ఇతర సంఘటనలూ చోటు చేసుకుంటుంటాయి. అలాగే ఈ సంక్రాతికి తెలుగు సినిమా పై మరో కొత్త పోటీకి తెరలేచింది. పవర్ స్టార్ పవన్ కళ్యాణ్, అతని మేనళ్ళుడు అల్లు అర్జున్ లు తెలుగు తెరపై పోటీ పడనున్నారు. పవన్ కళ్యాణ్ నటించిన "జల్సా" చిత్రం సంక్రాంతి పర్వదినోత్సవం సందర్భంగా జనవరి 14వ తేదీన విడుదల కానుంది. దానికి పోటీగా అల్లు అర్జున్ నటించిన (ఇంకా పేరు పెట్టలేదు) కొత్త చితం జనవరి 9వ తేదీన విడుదల కానుంది. కాగా అల్లు అర్జున నటిస్తున్న చిత్రాన్ని బొమ్మరిల్లు భాస్కర్ దర్శకత్వంలో దిల్ రాజు నిర్మిస్తుండగా, పవన్ కళ్యాణ్ నటిస్తున్న చిత్రాన్ని అల్లు అర్జున్ తండ్రి అల్లు అరవింద్ నిర్మిస్తున్నాడు. ఇప్పుడు దీనిని మామా అల్లుళ్ళ సవాల్ అనాలా, లేక తండ్రీ కొడుకుల సవాల్ అనాలా అని తెలుగు సినీ పరిశ్రమలో ఒకటే చర్చిస్తున్నారు. ఏ చర్చలు ఎలా ఉన్నా, చివరికేం జరుగుతుందో, ఈ పోటీలో ఎవరు "జో జీతా వొహీ హై సికందర్" అని అంటారో వేచిచూద్దాం.