లండన్ లో "ఓం శాంతి ఓం" వరల్డ్ ప్రీమియర్ షో

బాలీవుడ్ సంచలన చిత్రం "ఓం శాంతి ఓం" వరల్డ్ ప్రీమియర్ షోను లండన్ లో నిర్వహించనున్నారు. లీసెస్టర్ స్క్వేర్ లోని ఎంపైర్ థియేటర్లో జరుగనున్న ఈ వరల్డ్ ప్రీమియర్ షోలో చిత్ర తారాగణం మొత్తం పాల్గోనుంది. "రెడ్ కార్పెట్ వరల్డ్ ప్రీమియర్ షో" పేరుతో జరిగే ఈ కార్యక్రమాన్ని ఈరోస్ ఒంటర్నేషనల్ నిర్వహిస్తోంది. షారుఖ్ ఖాన్, దీపికా పదుకొనే, ఫరా ఖాన్, అర్జున్ రాంపాల్, శ్రెయాస్ తల్పడే లతో సహా ముఖమైన నటీనటులందరూ పాల్గోనున్న ఈ చిత్రం వరల్డ్ ప్రివ్యూకు మంచి డిమాండ్ ఉందని షారుఖ్ తెలిపారు. ఈ వరల్డ్ ప్రీమియర్ ఈ నెల 8వ తేదీన జరుగుతుంది.