తెలుగు సినిమా కీర్తిని జగద్విఖ్యాతం చేసిన ఆణిముత్యం "శంకరాభరణం". జాతీయ స్థాయిలో ఉత్తమ చిత్రంగా ఎన్నికైన ఈ చిత్రం సాధించిన రికార్డులు లెక్కకు దొరకనన్ని ఉన్నాయి. జాతీయంగా, అంతర్జాతీయంగా ప్రేక్షకులను మంత్ర ముగ్ధులను చేసిన సంగీత, సాహిత్య ప్రపంచంగా ఆ చిత్రాన్ని కొనియాడవచ్చు. అదే చిత్రాన్ని కొన్ని మార్పులు, చేర్పులతో మరోమారు నిర్మించనున్నారు. కళాతపస్వి కె విశ్వనాథ్ ఈ చిత్రాన్ని మరోమారు నిర్మించ తలపెట్టారు. నేటి ఆధునిక సమాజానికి తగ్గట్లుగా సంగీతం, సహిత్యం, దైవభక్తి సమ్మిళితంలో ఈ కొత్త చిత్రాన్ని రూపొందించాలని నిర్ణయించిన కె విశ్వనాథ్ దీనికి సంబంధించిన కథా రూపకల్పనలో తలమునకలై ఉన్నారు. మరో వైపు దీనికి పాటలు వ్రాసే పనిలో ప్రముఖ రచయిత వేటూరి సుందర రామమూర్తి నిమగ్నమై ఉన్నారని తెలిసింది. మరో "శంకరాభరణం" చిత్రాన్ని తాను రూపొందించదలచినట్లు కె విశ్వనాథ్ ఇప్పటికే తన సన్నిహితులకు స్పస్టం చేయడం జరిగిందని, కేవల అధికారిక ప్రకటన మాత్రమే మిగిలి ఉందని టాలీవుడ్ సమాచారం.
1 comment:
అటువంటి సినిమాలు తీసేందుకు బయపడుతున్న రోజులలో
అదే కనుక జరిగితే తెలుగు సినిమాకు మంచి రోజులొచ్చినట్టే.
చాలామంది ఇలాంటి సినిమలకోసమే ఎదురు చూస్తున్నారు.
Post a Comment