బాలకృష్ణ ప్రతిష్టాత్మక చిత్రం "ఒక్క మగాడు" విడుదల చేయనున్న "పి ఎస్ టి ఎల్"

యువకిషోరం నందమూరి బాలకృష్ణ నటిస్తున్న ప్రతిష్టాత్మక చిత్రం "ఒక్క మగాడు" చిత్రాన్ని పిరమిడ్ సాయిమిర థియేటర్ లిమిటెడ్ విడుదల చేయనుంది. దర్శక,నిర్మాత వై వి ఎస్ చౌదరి బొమ్మరిల్లు పతాకంపై నిర్మించిన ఈ ప్రతిష్టాత్మక చిత్రానికి సంబంధించి ఇప్పటికే ఓవర్సీస్, శాటిలైట్ హక్కుల పరంగా పెద్ద మొత్తం లభించిందని తెలిసింది. తాజాగా ఈ చిత్ర హక్కులను పి ఎస్ టి ఎల్ పెద్ద మొత్తాం చ్వ్ల్లించి సాధించింది. బాలకృష్ణ ద్విపాత్రాభినయం చేస్తున్న ఈ చిత్రం సంక్రాంతి పర్వదినోత్సవం సందర్బంగా వచ్చే జనవరిలో విడుదల కానుంది. సాధారణంగా సంక్రాంతి విడుదలయ్యే బాలకృష్ణ చిత్రాలు సంచలన విజయం సాధిస్తాయి. గతంలో "సమరసిం హా రెడ్డి", "నరసిం హ నాయుడు" చిత్రాలు ఆ కోవలోకే చెందుతాయి. తాజాగా ఈ "ఒక్క మగాడు" చిత్రం కూడా వచ్చే సంక్రాంతికి విడుదల కానుండటంతో పరిశ్రమలో భారీ అంచనాలే నెలకొన్నాయి.