బాలీవుడ్ క్రేజీ కథానాయకి కరీనా కపూర్ శాఖాహార ఉద్యమాన్ని లేవనెత్తింది.
ఉద్యమం అంటే పెద్దయెత్తున రోడ్లపై కాదు...బాలీవుడ్ లోనే. తన సహ నటీనటుల దగ్గర చేరి మాంసాహారాన్ని మానివేయమని సలహాలు ఇవ్వడమే కాకుండా, శాఖాహారం వల్ల ఉన్న లాభాలు, మాంసాహారం వల్ల ఉన్న నష్టాలను విడమర్చి చెబుతూ అందరూ మాంసాహారాన్ని మానివేయాలని, ఇకపై శాఖాహారాన్ని మాత్రమే భుజించాలని కోరుతోంది. గత ఎనిమిది నెలల క్రితం దాకా మాంసాహారాన్ని అమితంగా ఇష్టపడే కరీనా అకస్మాత్తుగా, దానికి గుడ్ బై చెప్పి శాఖాహార వ్రతాన్ని చేబట్టింది. తను మాంసాహారాన్ని మానివేయడమే కాకుండా, తన ప్రియుడు షాహిద్ తో కూడా మాంసాహారాన్ని పూర్తిగా మానివేయించి ఇప్పుడు సహనటీ,నటుల దగ్గర తన శాఖాహార సూత్రాలను వల్లెవేస్తోంది. కొత్తగా తన గ్లామర్ రహస్యానికి శాఖాహారమే కారణమనీ సెలవిస్తోంది. ఎనీహౌ, కరీనా తన ప్రయత్నంలో విజయం సాధించాలని కోరుకుందాం.
No comments:
Post a Comment