తెలుగు, తమిళ సినీ పరిశ్రమలలో లక్షలాది అభిమానులుగల భూమికా చావ్లా ఎట్టకేలకు తను ప్రేమించిన యోగా టీచర్ భరత్ ఠాగూర్ ను అక్టోబర్ 25వ తేదీన గోవాలో వివాహం చేసుకోనుంది.
గత రెండు సంవత్సరాలుగా కొనసాగుతున్న వీరి ప్రేమ పెద్దల అనుమతితో చివరికి కళ్యాణ బంధంతో ముడిపడనుంది. పలు తెలుగు, తమిళ, హిందీ చిత్రాలలో నటించిన భూమికా చావ్లా ప్రస్తుతం "అనసూయ", "స్వాగతం" తెలుగు చిత్రాలలో నటిస్తోంది. ఈ రెండు చిత్రాలు దాదాపు పూర్తయ్యాయి. ఇంకా రెండు సినిమాలకు భూమిక సైన్ చేసి ఉంది. వాటి భవిష్యత్తు తన కాబోయే వాడే నిర్ణయిస్తాడని దగ్గరివారితో చెబుతున్న భూమిక వివాహం తరువాత నటిస్తుందా, లేదా అనే విషయం ఇప్పుడిప్పుడే తెలీదు. ఎనీహౌ.."విష్ యూ హ్యాప్పీ మ్యారీడ్ లైఫ్ భూమికా" అని మనమూ అడ్వాన్స్ గానే విషెస్ చెబుదామా.
No comments:
Post a Comment