టాలీవుడ్ బాక్స్ రిపోర్ట్: "హ్యాపీడేస్" నంబర్ వన్

ముందుగా ఊహించిందే జరిగింది. అమెరికాలో సంచలన విజయం సాధించిన "హ్యాపీడేస్" తెలుగు నేలపైనా తన హవా కొనసాగించింది. కలెక్షన్ల పరంగా ఈ చిత్రం "చిరుత","చందమామ","భయ్యా","యమదొంగ"లను దాటి మొదటి స్థానాన్ని కైవసం చేసుకుంది.మిగిలిన చిత్రాలు తర్వాతి స్థానాన్ని కైవశం చేసుకున్నాయి. కలెక్షన్ల పరంగా మొదటి ఐదు స్థానాలలో ఉన్న చిత్రాల వివరాలు ఈ క్రింది విధంగా ఉన్నాయి.
1. "హ్యాపీడేస్":ఈ చిత్రంపై వచ్చిన పాజిటివ్ టాల్క్ ఈ చిత్రాన్ని తారా స్తాయికి తీసుకు వెళ్ళింది. రాష్ట్రం మొత్తం దాదాపు అన్ని సెంటర్లలో ఈ చిత్రం హౌజ్ ఫుల్ కలెక్షన్లతో ప్రదర్శింపబడుతోంది.అతి తక్కువ బడ్జెట్ తో, మొత్తం కొత్త తారలతో నిర్మించిన ఈ చిత్రం అనూహ్యంగా పోటీలో విజయ బావుటా ఎగురవేసింది. మిక్కీ జె మేయర్ సంగీతం ఈ చిత్రానికి అద్నపు హంగును సమకూర్చగా, చిత్రంలోని భావావేశాలు, కథ, కథన శైలి ప్రేక్షకులకు తమ కాలేజి జీవితాన్ని తిరిగి ప్రతిభింభించి, తమను విడదీయలేనంతగా చిత్ర చూస్తున్నంత సేపూ చిత్రంలో లీనమైపోయారని, దాంతో చిత్రం మొదటి స్థానాన్ని అందుకుందని సినీ మేధావులు చెబుతున్నారు.
2. "చిరుత"

రాంచరన్ నటన, కథ, కథన శైలి ఈ చిత్రాన్ని రెండవ స్థానంలో నిలిపాయి.రాష్ట్ర వ్యాప్తంగా మంచి కలెక్షన్లతో ప్రదర్శింపబడుతున్న ఈ చిత్రం "హ్యాపీడేస్"తో పోల్చుకుంటే కలెక్షన్ల పరంగా వెనుకబడిందని ఫిలిం డిస్ట్రిబ్యూటర్లు చెబుతున్నారు. చిరంజీవి తనయుడనే గుర్తింపు మొదటివారం ఈ చిత్రాన్ని మొదటి స్థానంలో నిలిపినా, రెండవ వారం వచ్చేసరికి ఈ చిత్రంపై ఉన్న మధ్యస్థ అభిప్రాయం ఈ చిత్రాన్ని రెండవ స్థానానికే పరిమితం చేశాయి. అయినా ప్రేక్స్షకులు రాం చరన్, నేహల నటనను ఆహ్వాదిస్తూ థియేటర్లనుంచి సంతృప్తిగానే వెలుతున్నారని టాలీవుడ్ రిపోర్ట్.

3. "చందమామ" "చందమామ" చిత్రం విడుదలై దాదాపు నెల రోజులు గడుస్తున్నా ఈ చిత్ర ప్రేక్షకాదరణను ఇంకా పొందుతూ "టాప్ 5" లో మూడవ స్తానాన్ని పొందింది. పూర్తి స్థాయి కుటుంబ ప్రేక్షకులను దృస్టిలో ఉంచుకుని నిర్మించిన ఈ చిత్రంలోని హృద్యమైన కామెడీ, దాదాపు అన్ని చిత్రాలలో ఉండే హింసనుంచి ఈ చిత్రం దూరం జరగడం, శివబాలాజీ, కజల్, నవదీప్, సింధు తులానీలతోబాటు ఆహుతి ప్రసాద్ల నటన ప్రేక్షకులను బాగా ఆకట్టుకుంటున్నాయని సినీ విమర్శకులు చెబుతున్నారు.

4. "భయ్యా"

తమిళ "మలైకోట్టై" కి ఇది తెలుగు అనువాదం. హీరో విశాల్ గత చిత్రాలమాదిరిగానే ఈ చిత్రమూ విశాల్ అబిమానులను ఆకట్టుకుంది.విశాల్, ప్రియామణిల నటన, హాస్యం కొంత తగ్గినా ఉన్నంతలో మెచ్చుకోలుగా వుండటం, దర్శకత్వ ప్రతిభ, డిఫరెంట్ గా వున్న పోరాట సన్నివేశాలు కలగలిసి ఈ చిత్రాన్ని నాలుగవ స్తానంలో ఉంచాయి.

5. "యమదొంగ"

"యమదొంగ" విడుదలై 50 రోజులు పూర్తయినా ఈ చిత్రం ఇంకా "టాప్-5" లో కొనసాగుతూ ప్రేక్షకులను ఆకట్టుకుంటూనే ఉంది. వైవిధ్యమైన కథ, కథనాలు, ఎన్ టి ఆర్ నటన, రాజమౌలి దర్శకత్వ ప్రతిభ, ఈ చిత్రంలోని పాటలు ప్రేక్షకులను బాగా ఆకట్టుకోవడం వల్ల ఈ చిత్రం కలెక్షన్లు ఇప్పటికీ సంతృప్తిగానే ఉన్నాయని చిత్ర డిస్ట్రిబ్యూటర్లు అంటున్నారు. అయితే కలెక్షన్లు చాలావరకు తగ్గాయని చెబుతున్నారు. దాంతో కలెక్షన్లె పరంగా ఈ చిత్రం ఐదవ స్థానంతో సంతృప్తి పడవలసి వచ్చింది.

శ్రీవెంకట్ బులెమోని