బాలకృష్ణది సంక్రాతి సెంటిమెంట్. గతంలో సంక్రాతి సందర్భంగా విడుదలైన పలు చిత్రాలు సంచలన విజయం సాధించాయి. కొన్ని అపజయం చెందినా, విజయాల సంఖ్య అధికం. కాగా ఈ సంక్రాతి సందర్భంగా బాలకృష్ణ నటించిన కొత్త చిత్రం "ఒక్క మగాడు" విడుదలకు సిద్దమవుతోంది. కలెక్షన్ కింగ్ నందమూరి బాలకృష్ణ నటిస్తున్న "ఒక్క మగాడు" చిత్రం జనవరి 11 వ తేదీన విడుదలవనుంది. బొమ్మరిల్లు పతాకంపై వై వి ఎస్ చౌదరి దర్శక నిర్మాతగా నిర్మిస్తున్న ఈ చిత్రం ఒక్క షెడ్యూలు మినహాయించి దాదాపు పూర్తయింది. "ఒక్క మగాడు" చిత్రంలో బాలకృష్ణ సరసన బాలీవుడ్ నాయకి నిషా కొఠారి, అనుష్క, సిమ్రాన్ లు జంటగా నటిస్తున్నారు. ఇందులో బాలకృష్ణ తండ్రీ, కొడుకులుగా ద్విపాత్రాభినయం చేస్తున్నారు. ఈ చిత్ర ఆడియోను డిసెంబర్ నెలలో విడుదలచేయడానికి దర్శక,నిర్మాత వై వి ఎస్ ప్రయత్నాలు చేస్తున్నారు. కాగా ఈ చిత్ర ఆడియోను వై వి ఎస్ తన స్వంత ఆడియో సంస్థ ద్వారానే విడుదలచేయనున్నారు.
No comments:
Post a Comment