దసరా సందర్భంగా ప్రారంభం కానున్న ఎనిమిది తెలుగు చిత్రాలు

విజయదశిమి పర్వదినోత్సవం సందర్భంగా తెలుగులో ఎనిమిది కొత్త చిత్రాలు ప్రారంభోత్సవం కానున్నాయి. వాటి వివరాలు.

1. కలెక్షన్ కింగ్ నందమూరి బాలకృష్ణ, ప్రముఖ దర్శకుడు కె రాఘవేంద్రా రావు దర్శకత్వంలో నటించనున్న పౌరాణిక చిత్రం "రంగా పాండురంగా" పూజా కార్యక్రమం విజయదశిమిరోజు జరుగనుంది. ఇందులో బాలకృష్ణ ద్విపాత్రాభినయం చేస్తున్నారు.

2. ప్రముఖ చిత్ర నిర్మాణ సంస్థ వైజయంతి మూవీస్ యంగ్ ఎన్ టి ఆర్ తో నిర్మించనున్న "కంత్రీ" చిత్రం రెగ్యులర్ షూటింగ్ ప్రారంభం కానుంది.

3. టాలీవుడ్ లవర్ బాయ్ తరున్, క్రేజీ హీరోయిన్ ఇలియానా జంటగా, విజయభాస్కర్ దర్శకత్వంలో నిర్మించనున్న నూతన చిత్రం పూజా కార్యక్రమ ఈ రోజే ప్రారంభం కానుంది.

4. ప్రముఖ దర్శకుడు కోడి రామకృష్ణ దర్శకత్వంలో నాగబాబు హీరోగా నటించే "కొదమసిం హం" చిత్రం ప్రారంభోత్సవం జరుగనుంది.

5. హరీష్, రాజీవ్ కనకాలలు నటించే కొత్త చిత్రం రెగ్యులర్ షూటింగ్ ఈరోజు ప్రారంభం కానుంది.

6. టాలీవుడ్ హాట్ భామిని ముమైత్ ఖాన్ నటించనున్న "మంగతాయారు టిఫిన్ సెంటర్" రెగ్యులర్ షూటింగ్ ప్రారంభం కానుంది.

7. శ్రీనివాస్ రెడ్డి దర్శకత్వంలో నరేష్ హీరోగా ఇ వి వి నిర్మించే కొత్త చిత్రం ప్రారంభోత్సవం ఈ రోజు జరుగనుంది.

8. శ్రీనివాస్ రెడ్డి దర్శకత్వలో నిర్మించే మరో చిత్రం పూజా కార్యక్రమం ఈ దసరా పర్వదినోత్సవం రోజే జరుగనుంది.