సంక్రాంతికి "దశావతారం", ఆ వెంటనే తెలుగు చిత్రం :కమల్ హాసన్

కమల్ హాసన్ అభిమానులు ఎంతగానో ఎదురు చూస్తున్న చిత్రం "దశావతారం". కమల్ హాసన్ పది పాత్రల్లో నటించడమే కాక, కథానాయిక ఆసిన్ కూడా ద్విపాత్రాభినయం చేతున్న చిత్రం ఇది. ఇక సాంకేతికంగా చాలా జాగ్రత్తలు తీసుకుని నిర్మిస్తున్న ఆస్కార్ ఫిలింస్ పతాకంపై రవిచంద్రన్, కె ఎస్ రవికుమార్ దర్శకత్వలో నిర్మిస్తున్న ఈ చిత్రాన్ని వచ్చే సంక్రాంతి పర్వదినానికి తెలుగు, తమిళ భాషలలో ఒకేసారి విడుదల చేయదలచామని చిత్ర కథా నాయకుడు కమల్ హాసన్ తెలిపారు. నిజానికి ఈ దీపావళికి ఈ చిత్రాన్ని విడుదలచేయాలని అనుకున్నా, సాంకేతికమైన కారణాలవల్ల సాధ్యం కాలేదని ఆయన చెప్పారు. కొత్త సంవత్సరం సంక్రాతి పర్వదినోతసవం సందర్భంగా ఈ చిత్రాన్ని విడుదల చేయగానే, తన రాజ్ కమల్ ఫిలింస్ పతాకంపై తెలుగు చిత్రాన్ని ప్రారంభిస్తానని కమల్ చెప్పారు. తెలుగులో నిర్మించే స్ట్రైట్ చిత్రానికి కథ సిద్దంగానే ఉందని, ఇందులో తనది వైవిధ్యమైన పాత్ర అని తెలిపారు. మిగతా వివరాలు "దశావతారం" విడుదల తర్వాత చెబుతాని చెప్పారు.